Une corâl furlane internazionâl pal festival gospel di Lignan

Tornâts de Spagne, là che a àn vinçût il concors “Chorus Inside International” di Lloret de Mar te categorie “modern, pop e jazz”, i Freevoices a tornin a cjantâ in Friûl lunis ai 21 di Lui te suaze dal “Lignano Gospel Festival”, che si davuelç dai 20 ai 22 te place D’Olivo, cuntun ospit american di liende, Trini L. Massie, e grups de Italie e de Slovenie. I Freevoices direts di Manuela Marussi a presentaran il miôr dal lôr repertori gospel e pop cul lôr stîl di “corâl spetacolâr”, compagnâts di Gianni Del Zotto e di un grup di musiciscj. (A.I.) – 19.07.2025