36
Il prin event dal 2026 dai “Concierts Torriani” inmaneâts dai Amîs de Musiche di Udin te suaze de centesime cuarte stagjon al è dedicât al mont de opare. Te Torate di Sante Marie, vinars ai 16 di Zenâr aes cinc di dopomisdì, a rivaran sunâ de Sardegne i virtuôs Toni Chessa al flaut, Antonio Puglia al clarinet e Mariano Meloni al piano (ancje diretôr dal Conservatori di Sassari) par un viaç origjinâl traviers dal melodrame. Il program al cjape dentri musichis di Donizetti, Bottesini, Bizet, Bellini e Rossini. (A.I.) – 15.01.2026
