Un tribût al plui grant ghitarist

La musiche di Eric Clapton, sunade dai musiciscj che a àn fat la storie vie pai agns cun lui, spartint une schirie di concierts, regjistrazions e moments fondamentâi pe sô cariere. The Cream of Clapton Band, che al si ferme tal Teatri gnûf “Giovanni da Udine” joibe ai 19 par une tape de sô tournée taliane, nol è dome un tribût al grant ghitarist di blues-rock, ma ancje un grup di musiciscj di nivel internazionâl, cul bassist Nathan East, che al è stât par passe cuarante agns cun lui, ma ancje Steve Ferrone, Will Johns e Noah East, ducj cun leams artistics e personâi cul ghitarist che 60 agns indaûr al jere considerât “Diu” in Ingletiere. Il repertori al cjape dentri dute la cariere di Clapton, des cjançons che a àn segnât la storie dal blues e dal rock a tocs forsit mancul cognossûts. (A.I.) – 18.03.2026