Un tercet di comics a Lignan

Trê stelis assoludis dal teatri comic talian, simbui totâls dal umorisim emilian e romagnûl nassûts e cressûts in television, a saran sul palc pe prime volte intun par un tour estîf, che ju viôt protagoniscj sui palcs di Italie. Il tercet des maraveis formât di Paolo Cevoli, Duilio Pizzocchi e Giuseppe Giacobazzi e fâs tape ancje in Friûl-Vignesie Julie: joibe ai 8 ae Arena Alpe Adria di Lignan, une des datis dal Lignano Sunset Festival. In repertori, i classics di Cevoli e Giacobazzi, moments di interazion e di improvisazion autentiche, cul jutori di Pizzocchi, che al è ancje l’autôr di chei altris doi. (A.I.) 07.06.2023