Un ‘pirate’, un atôr, ma ancje un ghitarist

Al è un atôr innomenât, cognossût di ducj, ma la sô plui grande passion e je la musiche. Miercus ai 20 di Lui, l’american Johnny Depp al sarà l’ospit speciâl de serade centrâl di “Pordenon blues & Co.”, un festival rivât ae 31ͤ edizion cui grancj nons internazionâi. Il ‘pirate dai Caraibis’ al sarà dongje di Jeff Beck, un ghitarist inglês cuntune cariere che dure di cincuante agns, un dai plui famôs de storie. I doi a àn sunât adun in plui ocasions e intal 2020 a àn incidût ancje un toc, la reinterpretazion di un classic di John Lennon. Johnny Depp al rive al parc di San Valentino di Pordenon dopo di une tape impuartante cun Beck a “Umbria Jazz”, ma daûr al à ancje la esperience cuntun supergrup clamât Hollywood Vampires. (A.I.) – 18.07.2022