Un omaç in musiche e danze a Maria Callas

Ce restial di une liende cuant che il spetacul al è finît? Al reste un rivoc, un flât sospindût, une emozion che dure tal timp. Dut chest e une vore di altris robis si cjatin “Madame”, un omaç de Lyric Dance Company e dal coreograf Alberto Canestro ae “divine” Maria Callas, che e je in programazion inte sô prime vision regjonâl sabide ai 7 tal Teatri de Corte di Osôf te suaze de stagjon di Anà-Thema Teatro. “Madame” e je cetant di plui di un balet. E je une esperience imersive dulà che la opare si trasforme in moviment e la vô di Maria Callas torne a vivi traviers i cuarps dai balarins, intune opare di danze contemporanie e neoclassiche pensade di Canestro, cun composizions musicâls di Pierfrancesco Nannoni: un omaç a une des figuris plui iconichis de musiche de storie. (A.I.) – 06.02.2026