Un Jude dal dì di vuê cun Anà-Thema

Daspò dal conciert di scree “Abba Show”, che al à jemplât dut il Teatri de cort di Osôf, e tache in forme uficiâl la gnove stagjon metude adun di Anà-Thema Teatro, propit cul debut di une gnove produzion in prime nazionâl, firmade de compagnie furlane, sabide ai 18. “Giuda”, Jude, scrit, diret e interpretât di Luca Ferri, sul palc cun Luca Marchioro, al è un spetacul potent e fûr dai schemis, che al fronte une figure des plui cuintriviers de storie sacre, ma intune dimension umane e contemporanie. (A.I.) – 17.10.2025