Udin&Jazz: e rive une stele di ‘dut plen’

La trentesime cuinte edizion di “Udin&Jazz” e je tacade sabide di dopomisdì cuntun pâr di concierts al dì: stelis nazionâls e internazionâls e musiciscj di chenti, il jazz classic che al plâs a ducj e la sperimentazion plui a rût. Daspò de scree cul apontament speciâl “Jazz for Gaza” tal parc “Moretti” e une zornade di grancj concierts te cort di palaç Morpurgo (il furlan Glauco Venier e po dopo l’american Isaiah Collier), i grancj events a son rivâts in cjistiel. Daspò de cubie Paolo Fresu-Omar Sosa lunis di sere, martars ai 15 al rive il non plui spietât di dute la rassegne, che al à cuasi jemplât ducj i puest setemanis prime dal conciert: Jacob Collier, zovin talent britanic che al è cjapât cinc premis Grammy, al sune un pôc di dut e al è il non just pal teme di chest an dal festival: “Gjenerazions”. (A.I.) – 14.07.2025