Ator pe Italie di cuasi un an, ven a stâi di cuant che al è jessût in Mai il so gnûf album “Don’t forget to fly” – il prin dut sunât di bessôl al piano, vignût fûr a sîs agns dal sucès di “Nocturne” – il compositôr e pianist Remo Anzovino al rive miercus ai 6 li dal Teatri gnûf “Giovanni da Udine”. Il musicist di Pordenon, pe prime volte di bessôl sul palc dal Teatron, al presentarà un progjet che al trasforme in sunôr l’insium dai umans di svolâ. Inte prime part e sarà sunade interie la suite “Don’t forget to fly”, inte seconde ducj i tocs di sucès dai altris album e des musichis plui impuartantis pal cine (ancje chê di “Borromini e Bernini. Sfida alla perfezione”, di pôc premiât cul “Nastro d’argento”), che lu àn fat cognossi aromai tant che un dai artiscj plui origjinâi de sene strumentâl contemporanie. (A.I.) – 05.03.2024
Foto di S. Di Luca
