“PianoFVG”: nissun vincidôr, doi seconts puescj

La edizion 2024 dal concors pianistic internazionâl “PianoFVG”, aromai tra chei plui prestigjôs a nivel mondiâl, ideât e diret di Davide Fregona, e à cjatât ancje cheste volte pianiscj di talent sot dai 30 agns, che a vegnin di dut il mont, di inviâ a une cariere conciertistiche internazionâl. I sîs finaliscj di cheste edizion tal teatri “Zancanaro” di Sacîl, vignûts de Italie, Cine, Tailandie, Russie e Gjapon, si son sfidâts in provis solistichis e cu la Fvg Orchestre, direte di Paolo Paroni, devant di une jurie internazionâl. Viodût il nivel tant alt dai concorints, che fin al ultin a son stâts sul fîl de vitorie finâl, nol è stât pussibil assegnâ un prin puest assolût: si che duncje, a son stâts assegnâts doi “seconts puescj” a Ruggiero Fiorella e Yuewen Yu. (A.I.) – 07.05.2024