Peraulis e musiche par un dialic di popui

Dôs citâts che a rapresentin il lûc ideâl par promovi une culture di confin che e considere i events burascjôs dal confin tant che un stimul par une riflession e par une culture di pâs, fraternitât e solidarietât jenfri lis popolazions. L’event di martars ai 18 tal Kulturni Dom di Gurize, organizât par cure de ANPI, al è titulât “Parole di Liberazione – Poesie e musiche per un dialogo tra i popoli” (Peraulis di liberazion – poesie e musiche par un dialic jenfri i poppi). Daspò dai salûts istituzionâi, lis atoris Aida Talliente e Patrizia Jurinčič Finžgar a puartaran il public intal monts de poesie cu lis lôr vôs. Il viaç al traviersarà i paisaçs di Pier Paolo Pasolini, di pre Davide Maria Turoldo e di Rosa Cantoni pal Friûl-Vignesie Julie e di chei di Cene Vipotnik, Karel Destitunik e Fani Okič pe Slovenie. La serade e larà indevant cul teolic e gjornalist Andrea Bellavite e la Corâl partigjane “Pinko Tomažič”. (A.I.) – 17.11.2025