“Nativitas”: e siere la lungje rassegne di Nadâl des corâls

La seconde domenie di Zenâr e segne ogni an la conclusion dal lunc percors di “Nativitas”, la rêt di concierts e celebrazions des corâls de Usci (Union de corâls) dal Friûl-Vignesie Julie, inmaneade par valorizâ la atmosfere des fiestis di Nadâl. I avigniments realizâts intal ultin mês e mieç in dute la regjon a son stâts passe un centenâr: doi chei in program in provincie di Pordenon, a Purcie e a Siest, ancjetancj a Triest e un a Roncjis di Monfalcon. Udin al siere cheste edizion di “Nativitas” inte glesie di S. Vincenç a Porpêt, domenie ai 14. (A.I.) – 11.01.2024