Mittelyoung: sielts i zovins vincidôrs

Si è sierade la cuinte edizion di “Mittelyoung”, che e à fat viodi nûf spetacui daspò des 182 candidaturis rivadis, rinfuarçant la identitât di apontament centrâl pe gnove gjenerazion di artiscj, bon ancje di dâ une poie economiche ai plui zovins. I spetatôrs che a àn vinçût lis trê categoriis (teatri, danze e musiche) e che a saran proponûts ancje vie pal “Mittelfest”, tal mês di Lui, a contin la malcuietece dai zovins. Ancje i vincidôrs: “C19H28O2”, premiat tant che miôr spetacul di teatri, al fevele de identitât masculine. “Solitario”; il vincidôr de danze, al va cuintri i pinsîrs discomuts e la musiche dal vîf di Sorvina e je une sfide cuintri i gjenars. Dongje de jurie dai zovins (i “curatores” sot dai 35 agns) e jere ancje une di esperts, che e à votât“C19H28O2 miôr spetacul, Riccardo Saggese miôr atôr e “New Resonance: Saxophone Unbound” di Ģirts Grigorjevs il miôr “concept”, intant che Mad Beltrami al à vût il premi speciâl. (A.I.) – 19.05.2025