Luca Ferri (Anà-Thema) al vierç la fieste taliane de gjinastiche

Dal Friûl ae capitâl. Luca Ferri, atôr e regjist, diretôr artistic de compagnie Anà-Thema Teatro, al è a Rome martars ai 24 par partecipâ a “The Art of Movement”, La art dal moviment”, un event esclusîf promovût di Freddy e de Federazion taliane di gjinastiche, dedicât al sport, ae bielece de tecniche, ae storie e al avignî dal moviment de gjinastiche taliane. Un event di grande rilevance, che al cjape dentri dignitaris nazionâi e locâi dal sport, de politiche e militârs, là che a saran presentâts in anteprime la gnove monture uficiâl de scuadre nazionâl di gjinastiche, il progjet “Gym Legend” che al celebre lis liendis de gjinastiche taliane e il calendari uficiâl des competizions e dai events di chest an. Ferri al vierzarà la cerimonie cuntun monolic origjinâl che al instrece peraulis e mots, metint in dialic il teatri e la dissipline atletiche, art e moviment, passât e avignì. (A.I.) – 24.02.2026