Lis cjançons di Springsteen a Pordenon

Li dal Capitol di Pordenon, vinars ai 13, il cjantautôr Fabrizio Coppola al puartarà ducj intun viaç emotîf traviers des cjançons di Bruce Springsteen: chês storiis che a fevelin di fadie e des sperancis dai lavoradôrs fint a rivâ ae fin dal insium american, ma ancje des lungjis corsis in machine ae ricercje di un sens tai spazis larcs de provincie. Il spetacul al presente interpretazions personâls fatis cu la ghitare o il piano des cjançons plui innomenadis dal “Boss”, alternadis cun storiis e contis: un at di amôr spartît cun ducj chei che a cjatin un significât profont inte musiche. (A.I.) – 12.03.2026