La vite di Lino Zanussi intun documentari

Al sarà presentât in anteprime joibe ai 14 a “Pordenonelegge” (aes 8.45 sore sere a Cinemazero) il documentari “Cavalcando la tigre. Vita di Lino Zanussi”, che al conte la vicende umane e imprenditoriâl dal grant cjapitani di industrie furlan. Dal pont di viste tecnic, al è un cine documentari, cu la regjie e la senegjature di Piergiorgio Grizzo di une idee di Stefano Candiani, che al conte une storie vere messedant ripresis dal vêr, intervistis, materiâi di archivi… L’atôr udinês Raffaello Balzo, famôs al grant public par jessi stât protagonist di tantis seriis tv di sucès, la atore di Pordenon Erica Alberti e je la vôs che e conte e intal cast a son ancje Andrea Appi e Ramiro Besa (ven a stâi I Papu), di là di altris innomenâts atôrs furlans. (A.I.) – 12.09.2023