La Sinfoniche regjonâl e sune i Beatles

“Echi Armonici” (Rivocs armonics), la prime stagjon musicâl dal Teatri di Glemone, promovude de aministrazion comunâl e de rete dal circuit dal ERT, e debute martars ai 18. Aes 8.45 sot sere, cuarante 40 musiciscj de FVG Orchestra, direte di Paolo Paroni, a laran sul palc dal “Sociale” par interpretâ versions sinfonichis des cjançons plui inmaneadis dai Beatles. “All you need is love – Beatles in Symphony” (Dut ce che tu âs bisugne al è l’amôr – i Beatles in Sinfonie” al è il titul de serade, che e sarà ripetude su la rêt dal ERT ai 25 di Fevrâr tal Teatri “Zancanaro” di Sacîl. La orchestre sinfoniche regjonâl e celebre il “pari” di ducj i grups cu lis musichis voltadis in stîl sinfonic di Daniele Russo e Valter Sivilotti. (A.I.) – 17.11.2025