La realtât savoltade cu la icone trans a Osôf

Daspò di vê debutât a Bologne, al rive in anteprime regjonâl li dal “Teatro della Corte” di Osôf sabide ai 24 “Le serve”, il spetacul che “al met in mostre la bausie”. Il test al è gjavât fûr de opare mestre di Jean Genet, ispirade a un fat di croniche che al veve sdrondenât la opinion publiche francese intai agns Trente. La protagoniste di chest esempli a plen di “teatri intal teatri”, che al savolte la imagjinazion e la realtât, e je Eva Robin’s, une icone pop dal transgender, e la regjie e je di Veronica Cruciani. (A.I.) – 23.02.2024