La femine sul palc daûr dai lûcs comuns “antîcs”

La ironie e la capacitât di atore di Veronica Pivetti si mostrin ben tal so ultin spetacul “L’inferiorità mentale della donna” (La inferioritât mentâl de femine) di Giovanna Gra, un classic dal pinsîr reazionari fat di musiche e peraulis, ispirât al saç cul stes titul di Paul Julius Moebius tal 1900, che al propon cualchi idee spartide ancjemò vuê di cetancj oms: lûcs comuns “antîcs”, ma… Il spetacul, che al è prodot di ArtistiAssociati, centri di produzion teatrâl di Gurize, al vierç la stagjon dal Gnûf teatri comunâl di Gardiscje lunis ai 3 di Novembar, e po dopo al torne ai 19 tal teatri “Bobbio” di Triest e pal circuit dal Er-F-Vjt a Dartigne, Cjasarse, Tavagnà… (A.I.) – 31.10.2025