La fabriche, un insium che si è disfat

Tal Teatri “Verdi” di Pordenon joibe ai 15 si siere la sezion “Gnovis scrituris”, dedicade ai lengaçs dal contemporani. Sul palc une “flabe ”lizere e garbe, “Ilva Football Club” di Usine Baug & Fratelli Maniglio, che e conte la storie de fabriche Ilva di Taranto doprant la metafore dal sport, la poesie des imagjinis a la veretât des testemoneancis. Un spetacul che tal ultin al fevele di un insium, grant dôs voltis la stesse citât, che planc a planc si è disfat e si è scuintrât cu la realtât. (A.I.) – 14.05.2025