La Corâl dal F-Vj e fâs… cent voltis Bach

Al sarà un event emozionant la prossime propueste dal trentesim secont Festival internazionâl di Musiche sacre a Pordenon. Vinars ai 24, intal Domo di S. Marc, si podarà visitâ une opare di art firmade dal tant celebri pitôr Jacopo Da Ponte, “il Bassano”: une piture che e pant il teme dal festival, “sperance”, e che pe prime volte e vignarà mostrade in forme publiche, su iniziative di pre Alessio Geretti, curadôr des mostris di Dieç. Vinars di sere e sarà ancje un conciert di ecezion, che al celebre la centesime Cjantade di Bach fate de Corâl dal Friûl-Vignesie Julie inte suaze dal progjet integrâl des Cjantadis dal grant compositôr todesc. Dongje de Corâl, la Orchestre di Cjamare di Pordenon. (A.I.) – 23.11.2023