E je tacade ancjemò une volte di Udin – e e rivarà fint in Gjapon! – la gnove tournée dal pianist pordenonês Remo Anzovino, che sabide di buinore al è sunât par passe doi mil spetatôrs tal plaçâl dal cjistiel, dîs agns daspò dal prin “conciert dal disveâsi” inmaneât dal Comun di Udin. Metût adun cun Vigna PR za tal 2005 – in chê volte in place S. Jacum – il spetacul al è deventât aromai une tradizion, che si fâs intun fin de setemane plen di events pe citât: prime la gnot ‘in blanc’, po dopo che des licuidazions dai negozis… Il conciert di bessôl dal pianist Anzovino, lât indevant par cuasi dôs oris, al è stât un viaç indaûr te cariere dal compositôr: il stes dal disc “Atelier” regjistrât dal vîf l’an passât tal studi dal artist Giorgio Celiberti. (A.I.) – 07.07.2025
Foto di F. Ruggeri
