Jazz & Wine, une edizion cul “dut plen” ai concierts

Un sucès grandonon, cul public che al è rivât cuasi plui di là dal confin che di chenti. La vincjesime otave edizion di “Jazz & Wine of Peace”, inmaneade come simpri dal circul culturâl Controtempo di Cormons, si conferme un dai apontaments plui preseâts pe musiche jazz te nestre regjon e no dome, in graciis ancje de formule sperimentade di agnorums, puartant artiscj e public dentri des cantinis o tes vilis. I numars di chest an a son clârs: passe 7500 presincis ai concierts, i Dj set e i altris events, cjapant dentri “jazz & taste”, che al messede musiche e vin. Il numar plui impuartant al à chel dai concierts che a àn fat il dut plen, ancje tai teatris di Cormons e Gardiscje: 14 su 17! Une sodisfazion grande ancje pal gnûf diretôr artistic Enrico Bettibello, “parcè che la musiche e je rivade a meti dongje personis di gjenerazions e di lûcs diferents”. (A.I.) – 27.10.2025