Il “testament” di Michela Murgia a teatri

“Di dutis lis robis che lis feminis a puedin fâ intal mont, fevelâ al è ancjemò chê plui soversive” e scriveve Michela Murgia intal so libri “Stai zitta!” (Sta cidine!), un berli di alarme su cemût che ancjemò vuê si cîr di cidinâ lis feminis inte societât e intai media. Il spetacul cul stes titul dal libri al rive in esclusive regjonâl vinars ai 10 tal Palamostre di Udin pe stagjon di Teatro Contatto, in colaborazion cun “vicino/lontano”. Protagonistis in sene trê grandis artistis: Antonella Questa, Valentina Melis e Teresa Cinque. Il spetacul al fronte cun ironie e inteligjence il probleme de discriminazion di gjenar che tant dispès al passe traviers il lengaç. (A.I.) – 09.05.2024

Foto di A. Ficai