Il teatri al jentre in fabriche cun “I mosaiciscj”

Dopo il lunc lavôr di produzion intes fabrichis Legnolandia, Gervasoni, Lamitex e intai laboratoris de Scuola Mosaicisti del Friuli, il progjet “CREAttivo #3 Arte e Impresa – FVG in gioco” al vierç un barcon senic cul spetacul “I mosaiciscj” dal Teatro Incerto, joibe ai 17 di Novembar aes 9 di sere inte Fabriche Gervasoni, in Via del Lavoro a Pavie. La sfide e je chê di puartâ il teatri in fabriche, metint in relazion i cuatri ambits dal progjet: la preziositât de art musive, il savôr de produzion artesanâl, la dibisugne di une didatiche leade ae industrie e il valôr des apartignincis teritoriâls. Dutis tematichis frontadis dal spetacul, contant cun ironie la storie dal Patriarcjât di Aquilee e dai siei mosaics. (A.I.) – 16.11.2022