Il tango di Piazzolla pes peraulis di Borges

Volût e sostignût dal Assessorât ae Culture dal Comun di Monfalcon, al va in sene vinars ai 7 tal Teatri comunâl di Monfalcon un spetacul che al condense un dai temis puartants de Capitâl europeane de culture: la creazion di un mont. Al tache di un omaç ai siums che si fasin leterature “Lo specchio di Borges” (Il spieli di Borges), un spetacui unic che al met dongje la vôs e la scolte, lis contis e lis poesiis cu la vôs di Massimiliano Finazzer Flory, lis coreografiis dal tango cun Guillermo Berzins e la musiche ae armoniche di Sergio Scappini. Il spetacul, che al à vût sucès ancje in Argjentine a Buenos Aires e al gjolt dal patrocini dal Consolât argjentin, al è gjavât fûr di cualchi pagjine une vore preseade de leterature scrite di Jorge Luis Borges, acompagnade de musiche di Astor Piazzolla. (A.I.) – 06.02.2025