Il “Moby Dick” tornât a scrivi di Orson Welles

Daspò di vê concuistât il public di Pordenon cu la sô version inmagante dal “Edipo re”, il Teatro dell’Elfo al torne tal Teatri “Verdi” cun “Moby Dick alla prova” di Orson Welles, in sene pe prime volte in Regjon martars ai 5 e miercus ai 6. Elio De Capitani al è il regjist e ancje un dai atôrs di un spetacul che al mostre la potence seniche di Welles dramaturc: un test ancjemò no publicât in Italie, scrit ator de metât dai agns Cincuante, sul scuintri titanic e cence sintiment jenfri om e nature. Tra i dîs atôrs in sene al spiche il furlan Massimo Somaglino. (A.I.) – 05.03.2024

Foto di M. Foccardi