Il miôr spetacul musicâl spagnûl ator pal F-Vj

Il spetacul vincidôr dal Premi “Max” tant che il miôr show musicâl spagnûl intal 2019 al rive in Friûl-Vignesie Julie. “Opera Locos”, prodot de compagnie Yllana, al è ospit dal circuit dal ERT-F-Vj par sîs seradis, tacant di martars ai 18 tal Auditorium “Aldo Moro” di Cordenons. Po dopo, al sarà miercus ai 19 tal Teatri Miotto di Spilimberc, joibe ai 20 tal “Candoni “di Tumieç, vinars ai 21 tal “Cinecity” di Lignan, sabide ai 22 li dal Auditorium di Talmassons e domenie ai 23 tal Teatri “Lavaroni” di Dartigne. Cinc cjantants lirics si cjatin a interpretâ lis ariis di opare plui innomenadis, ma lis provis par meti insiemi une serade di no dismenteâ a son boicotadis cence polse dal lôr ego intrigôs… (A.I.) – 18.02.2025