Domenie ai 8 di Jugn tal Teatri Gnûf “Giovanni da Udine”, al sarà presentât il spetacul “Vôs cence confins” cui Freevoices Show Choir e e Moni Ovadia in dialic cun Mario Brandolin. L’event (a jentrade gratis, daûr prenotazion su www.vivaticket.com/it/ticket/voci-senza-confini/268453, al è dentri dal program da “La Gnot dai Letôrs”, in colaborazion cu la associazion culturâl Colonos, adun cu la Fondazion “Teatro Nuovo Giovanni da Udine”. La presince straordenarie e carismatiche di Moni Ovadia e fâs di cuintripont ae corâl dai Freevoices che, cu la direzion di Manuela Marussi, a intindin lassâ un messaç che al cumbine ce che i zovins di vuê a son e ce che a puedin jessi: testemonis di un teritori, europeans tal profont e vierts a une citadinance globâl. Cussì, musical e pop, cjant popolâr e cjançon di autôr si alternin su la sene par contâ di pâs, libertât, feminis, rispiet pe tiere mari. (A.I.) – 06.06.2025
Foto di L. d’Agostino
