Dorothy (Angelica Margherita), cu lis sôs scarputis e acompagnade dai siei trê amîs stramps – il pipinat (Andrea Rizzo), l’om di late (Giuseppe Zagaria) e il leon spaurôs (Valentina Saggin): vinars ai 7 tal gnûf Teatri “Maurensig” di Felet al rive “OZ”, firmât di Marta Bevilacqua e prodot de compagnie Arearea e HangartFest. Une vision slargjade, straviade, amplificade, artificiâl dal mont reâl che o sin daûr a vivi, un viaç coreografic tes salis dal teatri par esplorâ cu la danze contemporanie il dualisim tra il familiâr e il no cognossût, ispirât ae classiche conte “Il Mago di Oz”. Ogni personaç al rapresente une part di nô, intun zûc continui di spiei e relazions, acompagnâts des musichis origjinâls di Leo Virgili. (A.I.) – 06.03.2025
Foto di A. Durigatto
