Il Gjapon intun album jazz nassût a Udin

Al scomence al Caffè Caucigh a Udin vinars ai 30 il tour di “Shōjin”, il gnûf album dal pianist Luca Dell’Anna. L’album al è stât regjistrât a Cjavalì pe cjase discografiche furlane Artesuono di Stefano Amerio. Sul palc di sene cun Alessandro Fedrigo al bas eletric e Luca Colussi ae batarie, Dell’Anna, nassût a Ferrara ma che al è a stâ a Udin di agnorums, al à sielt tant che titul il concet gjaponês di dedicazion, concentrazion e cressite, evocant un procès di riflession costante, centrâl pe filosofie zen. L’album, che al sarà presentât in Italie e po dopo al tornarà achì tal Arsenâl di Cividât ai 20 di Fevrâr, al è un dialic cence polse jenfri culturis diviersis, instreçant tradizions gjaponesis e talianis dentri di une prospetive jazz contemporanie. (A.I.) – 29.01.2026