Il furlan che al à inventât il tango

Vinars ai 5 di Dicembar, la Sale “Vittoria” di Feagne e darà acet a “José Bragato,la influence furlane te storie dal tango”, un spetacul dedicât al pianist, violoncelist e compositôr che al lassà Udin daspò de vuere e al deventà une figure cetant impuartante pe sene musicâl argjentine. La opare, nassude di une idee di Andrea Boscutti, e je direte di Claudio Moretti, che al recite cun Flavia Valoppi. Il stes Boscutti al sarà sul palc a sunâ il piano compagnât di Antonio Merici al violoncel. Daspò di jessi emigrât in Argjentine cu la sô famee, José Giuseppe Bragato (Udin 1915 – Buenos Aires 2017) al cjapà une grande innomine tal cjamp sinfonic e, soredut, tal disvilup dal tango, il moviment “Nuevo Tango”, che al viodeve protagonist principâl Astor Piazzolla, par agnorums colaboradôr di Bragato. La sô storie e je contade in prime persone, in maniere intime, lizere, cualchi volte comovente ma ancje ironiche. (A.I.) – 04.12.2025