Sabide ai 4 te Badie di Sante Marie in Silvis a Siest al tache il “Fadiesis Accordion Festival”, la rassegne dedicate ae armoniche e in gjenerâl ai struments a fol, rivade ae decime cuinte edizion. Il teme di chest an al è “acuardâsi”, stant che la magjie de musiche e tache propit di un acuart. Un esercizi di passion che si cjate ancje tal concors internazionâl di composizion pe armoniche, che chest an al è dedicât ae musiche di cjamare. Il prin apontament, “Mantice Sacro. In cîl e je une stele”, al è tal segn de coralitât, cun Giorgio Susana diretôr dal Corocastel e dal piçul grup di dôs armonichis (Ludovica Borsatti e Alessandro Ambrosi) e il violoncel di Elisa Fassetta. La rassegne e passarà ancje par GO!2025 cu la cuarte edizion dal progjet “Orienti”, Orients, che al puarte sul palc musiciscj furlans e de Basilicade. E po dopo, te rassegne inmaneade dal diretôr artistic Gianni Fassetta: un conciert te centrâl di Malnîs, un a Pordenon, tango a Davian e sperimentazion a Sacîl. (A.I.) – 02.10.2025
Foto di R. Pignat
