La decime otave edizion di “San Vito Jazz” si vierç sabide ai 2 di Març cuntun progjet inmaneât a pueste pe rassegne direte di Flavio Massarutto. “The Peace Concert”, il conciert pe pâs, al è il titul dal spetacul che sul palc dal Auditorium Centro Civico di S. Vît dal Tiliment al viodarà sunâ un dopli cuartet: chel di Francesco Bearzatti (clarinet e saxofon) cun U.T. Gandhi aes percussions, Federico Casagrande ae ghitare e Alessandro Turchet al liron, e il Quartetto d’Archi Arrigoni cun Giovanni Di Giorgio e Domenico Mason al violin, Jessica Orlandi ae viole e Federico Covre al violoncel. E je une suite in cuatri moviments là che Bearzatti, pe prime volte te sô cariere cuntun cuartet di arcs, al puarte il public intal so mont musicâl fat di citazions e di ricuarts. (A.I.) – 01.03.2023
Foto di E. Caldana
