Daspò dal debut dut plen cun Federico Basso, la stagjon teatrâl di Prissinins, promovude dal circuit dal ERT e dal Comun, e presente sabide ai 15 tal Auditorium Comunâl “Spierdûts”, l’ultin lavôr dal Teatri Incerto, metût dongje pal test e pe regjie adun cun Giovanni Visentin. In “Spierdûts”, Fabian Fantini, Claudio Moretti e Elvio Scruzzi a son trê paiaçs anzians e plens di magagnis, che si cjatin a condividi un lozament di fortune ai margjins di une grande citât. Il circ là che a lavoravin al à sierât. Il lôr agjent no si fâs plui sintî. I sucès clamorôs di un timp a son finîts. Cundut a chel no si rindin, ma a continuin a coltivâ la lôr art, visantsi in maniere nostalgjiche dal lôr passât plen di glorie. (A.I.) – 14.02.2025
Foto di A. Durigatto
