I Pooh di gnûf insiemi a Vile Manin

Ultin grant conciert dal Istât – ancje se al è za finît – in regjon. I Pooh, il grup simbul de storie de musiche taliane, bogns di vendi passe 100 milions di discs intal mont, a saran di gnûf insiemi, domenie ai 24 a Vile Manin di Passarian, par une des datis dal tour “Amici x sempre”, che al viôt sul palc Roby Facchinetti, Dodi Battaglia, Red Canzian e ancje Riccardo Fogli par ripassâ plui di 50 agns di musiche cui sucès che a àn fat la storie. I autôrs di sucès cence timp, jentrâts inte storie e inte vite di tantis personis, a imprometin un conciert di plui di trê oris, viodût che a son 56 lis cjançons contignudis intal album che al da il titul ae tournée! (A.I.) – 22.09.2023