I langobarts di chenti ancje in Texas

Il cine “Langobardi – Grimoaldo, il primo re friulano” (Grimalt, il prin re furlan) al va indevant ator pal mont, presentant la nestre storie a un public larc. Il so ultin ricognossiment internazionâl, il cincuantesim sest, al è rivât cu la selezion finâl al “Austin Lift-off Film Festival”, che si davuelç in Texas fint ai 26 di Avrîl. Il cine documentari prodot di Invicti Lupi, cu la regjie di Sandra Lopez Cabrera e produtôr Matteo Grudina, al à za cjapât 16 prins puescj, 9 menzons speciâls, e 31 selezions uficiâls. “O sin daûr a fâ cognossi la nestre storie tant che tiere di confin – a sclarissin i autôrs – si che duncje le promovìn in dut il mont, metint in lûs i events che a son stâts tal setim secul dopo di Crist. Chest al è un grant sucès internazionâl par une piçule produzion come la nestre, che e ten in vite la memorie e la identitât storiche”. (A.I.) – 12.04.2026