Folkest sul teritori par dut il fin de setemane

Dopo i prins apontaments, la rassegne “Folkest” e va indevant cu la gnove edizion intes placis principâls de regjon e no dome. Une schirie di events che a metin adun musiche, scuvierte e la promozion dai lûcs plui evocatîfs, simpri in ecuilibri jenfri ricercje e tradizion e ancje la compatibilitât cul ambient. Il gnûf viaç di suns al scomence joibe ai 18 a Gurize tal zardin dal Palaç de Grazia cun “Contrast”, un progjet di Tupa Ruja. Vinars ai 19, dôs ufiertis cun atmosferis diferentis: a Palme, i suns di “Shardana” dai Magasin du Café; e a Collalto di Susegana, une tape in Venit pal progjet “A forza di essere vento” dal grup FDA. Il viaç al va indevant sabide ai 20 a Forgjarie cui Pasticcio Meticcio e domenie ai 21 a Vît cul grup furlan Urtie. (A.I.) – 17.06.2026