Fieste di confin: un viaç fat di storiis veris

Il centri di produzion teatrâl ArtistiAssociati al presente la sô ultime produzion, “Festa di Confine” (Fieste di confin), metude in sene dal Teatro dei Borgia, lunis ai 17 tal Teatri SNG di Gnove Gurize e martars ai 18 tal Teatri Comunâl di Cormons. Chest progjet al è stât pensât te suaze di GO!2025 propit pe capitâl europeane de culture. Adatât, voltât (cun sottitui) e diret di Elena Cotugno, al è un viaç poetic e potent viers il cûr dal concet di confin, jenfri storiis veris, migrazions e identitâts fraturadis. Il spetacul, scrit di Matei Visniec, al travierse i confins gjeografics e umans, dant vôs ai personaçs sospindûts jenfri la realtât e l’insium. (A.I.) – 17.11.2025