Festival ‘de lûs’: ve la jurie

A son stâts anunziâts la jurie e il manifest de decime edizion des Zornadis de lûs (“Le giornate della luce”) di Spilimberc, che si fasaran dal prin ai 9 di Jugn. Il festival, ideât di Gloria De Antoni e diret cun Donato Guerra, al è un apontament di no podê rinunziâi intal panorame talian, che al celebre di agns i autôrs de fotografie, i vêrs protagoniscj de manifestazion, cun proiezions, cunvgnis, mostris e omaçs. La jurie che e assegnarà il premi “Il Cuarç di Spilimberc – Light Award” ae miôr fotografie di un cine talian de ultime stagjon e sarà vuidade di Monica Guerritore, interprete di innomine internazionâl. Cun jê in jurie, Luan Ujkaj Amelio, autôr de fotografie candidât al David di Donatello, il fotogjornalist Gianni Fiorito, la produtore Mateja Zorn e l’autôr pe television Oreste De Fornari. Il manifest dal festival al è stât realizât come simpri tacant di une foto di sene: in chest câs, fate di Claudio Iannone pal cine “Campo di battaglia” (Cjamp di bataie) di Giovanni Amelio, zirât a Udin, Tumieç, Vençon, Cormons e Gurize. (A.I.) – 30.04.2024