Feminis che a cambiin il mont al ‘Pasolini’

In ocasion de Zornade internazionâl dai dirits des feminis, Euritmica e propon miercus ai 8 al teatri ‘Pasolini’ di Çarvignan il spetacul “Donne che cambiano il mondo” (Feminis che a cambiin il mont). Lis protagonistis dal spetacul a son la atore e musiciste Aida Talliente, la cjantante e compositore Elsa Martin e la ilustradore Giulia Spanghero. Trê feminis, trê artistis, trê protagonistis intai percors rispetîfs di art, adun par un viaç naratîf e musicâl che si disvilupe traviers storiis che a vegnin di variis parts dal mont: vôs e berlis di lote, di impegn, di memorie, di passion e bielece. (A.I.) – 07.03.2023