Dôs vôs de tradizion contadis a Prât

L’auditorium comunâl di Prât al ospite vinars ai 28 des 8.30 di sere “Al è timp di musiche”, un event dedicât ae tradizion de musiche popolâr in Cjargne. Il musicolic Alessio Screm, l’antropolic Valter Colle e il cjantautôr e scritôr Luigi Maieron a contaran tra storie e memorie doi dal plui impuartants protagoniscj di une stagjon musicâl de Cjargne: Cecilia e Pakai, che cu lis lôr musichis a àn fat balâ e divertî dute une gjenerazion. E sarà la ocasion par ripassâ lis vicendis umanis e artistichis di Cecilia Boschetti e Amato Matiz e dal lôr mût particolâr, autentic e personâl di fâ sunâ la armoniche, scoltant lis contis e lis testemoneancis diretis e indiretis intun viaç tra peraulis, musichis e vecjos filmâts. (A.I.) – 26.04.2023