Cuatri spetacui de Academie di ArtistiAssociati

A ce coventie la art, se no par movi il mont, par dreçâ il voli in cualchi direzion pitost che intune altre, propit par judâlu a no pierdisi? Cheste e je la idee daûr de seconde edizion de “BorGO Live Academy” di ArtistiAssociati, il centri di produzion teatrâl di Gurize. Chest program educatîf multidissiplinâr pai artiscj di spetacul contemporanis al à puartât chest an propit a Gurize insegnants di danze, prose, musiche, poesie e filosofie de Italie, Ingletiere, Mozambic, Gjermanie, Brasîl e Slovenie par cuatri mês. Il coreograf e autôr Roberto Castello al à lavorât cui altris insegnants par tirâ fûr gnovis sensibilitâts e abilitâts artistichis in ogni student. Cuatri oparis a saran presentadis intes ultimis seradis: dôs tal Teatri di Cormons joibe ai 30 di Avrîl e dôs tal Teatri Comunâl gnûf di Gardiscje ai 2 di Mai. (A.I.) – 29.04.2026