Centazzo al rive de Americhe par screâ “Note Nuove”

Chest an, il percussionist e compositôr udinês di innomine internazionâl Andrea Centazzo al à za publicât un libri cun doi cd, “Pasolini 50”, che a tegnin dentri dutis lis trê oparis musicâls scritis tai ultins 40 agns par Pier Paolo Pasolini. Joibe ai 6 al torne de sô cjase a Los Angeles, in Americhe, par screâ la rassegne “Note Nuove”, Notis gnovis, li dal cine Visionario cuntune gnove dediche al poete: “Le ceneri del tempo” (La cinise dal timp). Un spetacul di percussions, imagjinis e peraulis, chel pal festival inmaneât di Euritmica, cu la vôs autentiche di Pasolini – penze, fonde, plene di dûl – al centri dal conciert. Cun Centazzo sul palc al sarà ancje Roberto Ottaviano, un saxofonist che in passe trente agns europeans al à sunât cui plui grancj musiciscj europeans e americans. (AI.) – 04.11.2025