38
Daspò dal sucès dal festival dal Istât, “SAFest”, cun events e ospits di alt nivel di dut il Mont, la academie di art dramatiche “Nico Pepe” di Udin e je pronte par dâ acet a Carolyn Carlson, une icone mondiâl de danze contemporanie dai Agns Setante, che e torne in citât ai 3 e ai 4 di Otubar. La stele americane de danze, protagoniste su palcs internazionâi creant passe 150 coreografiis vie pe sô cariere, e sarà protagoniste di une masterclass, ven a stâi une lezion di alt nivel par atôrs e danzadôrs zovins, compagnade de danzadore Sara Orselli e dal musicist Paki Zennaro. Une session dai lavôrs e sarà vierte ancje al public. (A.I.) – 30.09.2025
