Bollani al torne a sunâ in regjon, di bessôl

Intal Fevrâr dal 2025, Euritmica e à presentât tal Teatri “Rossetti” di Triest il “Bollani All Stars”, un grup metût dongje in mût speciâl dal grant pianist Stefano Bollani, adun cun cualchi zigant dal jazz talian: Enrico Rava, Paolo Fresu, Antonello Salis, Daniele Sepe, Ares Tavolazzi, Roberto Gatto e i zovins Frida, Matteo Mancuso e Christian Mascetta. Al è stâ un conciert za jentrât te storie dal jazz talian e deventât daurman un album. Stefano Bollani cumò al torne tal teatri Rossetti vinars ai 29, simpri in gracie di Euritmica, pe sieradure de diesime novesime edizion dal festival “Note Nuove”. Chest al sarà un conciert solist, ven a stai sunât dut di bessôl al piano. Prime di chel, aes sîs di dopomisdì, tal cine “Ariston” al sarà presentât il documentari “Tutta vita” adun cun Valentina Cenni: la sô compagne di vite e musiche. Il documentari al è la croniche de residence artistiche fate dal grup intune setemane a Gurize tal Palaç Lantieri. (A.I.) – 28.05.2026