Baglini al salude Pordenon dopo dîs agns cuntun conciert

Al sarà un avigniment speciâl il conciert viert ae citadinance che il “Teatri Verdi” di Pordenon e il pianist di innomine internazionâl Maurizio Baglini a àn programât par miercus ai 27 di Setembar: un regâl in musiche che il consulent musicâl che al à finî la sô ativitât in Friul al dediche a dute la comunitât de citât. Par un deceni ae vuide de progjetazion dai avigniments musicâi dal “Verdi”, Baglini al sunarà musichis di Chopin e Mussorgsky intun spetacul titulât “Microcosmi e macrocosmi”, ven a stâi la sintesi perfete de sô esperience a Pordenon. Intal 2014, propit tal Teatri di Pordenon, Baglini al veve regjistrât in conciert dute la opare pianistiche di Mussorgsky. (A.I.) – 26.09.2023