“Armoniis” a S. Gotart cu lis notis dal tango

“Armonie in città”, la rassegne inmaneade de Fondazion “Luigi Bon”, e torne intes glesiis di Udin martars ai 11. In particolâr, aes 8.30 sot sere e sarà la Glesie di S. Gotart, in vie Cividât, a ospitâ il Duo Leonarduzzi-Gubian, formât di zovins artiscj di talent de regjon, che a puedin svantâ za un curriculum di dut rispiet: Enrico Leonarduzzi al saxofon e Sebastiano Gubian al piano. “Rhapshody” al è il titul dal conciert che al acompagnarà il public in sonoritât di stamp classic/contemporani, soredut un incuintri cun ritmis sudamericans dal tango di Piazzolla. (A.I.) – 10.07.2023