Amadeus” dal cine al teatri cun invidie e amirazion

Il cartelon di prose dal teatri “Verdi” di Pordenon al presente un dai events plui spietâts: “Amadeus” di Peter Shaffer, te version firmade di Ferdinando Bruni e Francesco Frongia pal Teatri dell’Elfo di Milan, in sene in prime vision regjonâl di vinars ai 16 a domenie ai 18. Une comedie che e je deventade un classic dal teatri contemporani, e che e continue a maraveâ in graciis de fuarce de sô struture dramatiche e de sô capacitât di frontâ, cun claretât e ironie, i temis principâi che a traviersin la art e la cundizion umane, massime la invidie e la amirazion che si trasformin in asse. Scrit tal 1978 e inspirât dal micro drame di Aleksandr Pushkin “Mozart e Salieri”, e je une storie sospindude jenfri liende e finzion, cognossude pal cine di Miloš Forman, che e à sglonfât il so sucès internazionâl. (A.I.) – 15.01.2026