Al tache il spetacul par Ungaretti

Al tache ai 10 di Avrîl tal teatri “Verdi” di Gurize il zîr teatrâl di “Ungaretti poeta e soldato. Il Carso e l’anima del mondo” (Ungaretti poete e soldât. Il Cjars e la anime dal Mont), spetacul di e cun Marco Goldin, che al sarà ancje a Tumieç, Monfalcon, Udin e Pordenon fint ai 23 di Avrîl, cuntune date ancje a Trevîs, la citât dal autôr. Il spetacul che al vierç lis celebrazions par GO!2025 – simpri sore nuie, in graciis de Regjon F-Vj – al conte la storie di Ungaretti sul Cjars tra leterature, storie, lûcs e art. Il stes teme de mostre che dai 26 di Otubar e fint ai 4 di Mai dal 2025 e sarà ospitade a Gurize e Monfalcon. Il prolic al è cu la vôs de cjantante Antonella Ruggiero, interprete di trê cjançons scritis di Marco Goldin su musichis di Remo Anzovino, che al sunarà il piano acompagnât di Diego Cal ae trombe. Goldin al contarà i fats di Ungaretti jenfri storie e poesie, intant che l’atôr Gilberto Colla al leiarà cualchi poesie gjavade fûr di “Il porto sepolto”, il libri publicât a Udin. (A.I.) – 09.04.2024